Kort voor die begin van die Desember 2023-vakansietyd vra ’n herlaaikliënt of daar ’n stel eienskappe is waaraan ’n suksesvolle herlaaier getoets of uitgeken kan word. Ek het myself nog nooit op die gebied van menslike gedragspatrone, voorspelbaarheid of filosofie begewe nie en was so sonder woorde dat ek die welmenende man nog steeds sinvolle antwoorde skuld.
Die man se moontlike gedagterigting het my aan die wonder gesit en ek het toe besluit dat ek die skoot liewer onder die herlaaiers wil los, en elkeen eerder aan die dink te sit oor wat hy nog kan doen om homself verder te ontwikkel. Ek sal ’n paar gedagtes opper, en julle almal uitnooi om jul eie ervarings en bydraes te deel.