Rubriek
Die monetêre beleidskomitee (MBK) van die Reserwebank het einde Januarie sy besluit verdedig om rentekoerse langer hoog te hou, ondanks ’n verswakkende ekonomie en dalende inflasie.
Dié beleidstandpunt raak die landbou direk, want die baie hoë rentekoers het ’n nadelige uitwerking op verbruikers se besteebare inkomste (wat in die vorige twee kwartale gekrimp het). Dit knou die vraag na voedsel, veral vleis, suiwel en vrugte, wat pryse onder druk hou.
Dit is ook sleg vir finansiering van nuwe projekte. Die rentefaktor maak baie projekte te duur en knou bestaande besighede se kontantvloei.
Daar is ’n meningsverskil oor die aandrywers van inflasie. In Suid-Afrika se geval is dit veral ingevoerde brandstof (waaroor ons geen beheer het nie), asook beurtkrag en