Hy’s ’n sakeman wat niks om dowe neute doen nie. Net die tyd sal leer of Mark Zuckerberg, uitvoerende hoof van Meta – die maatskappy agter Instagram, Facebook en WhatsApp – se boerdery-ideaal by droom gaan bly en of hy ’n nuwe gier gaan vestig en kommersialiseer.
Sy dogters, Maxima (7) en August (5), help met die makadamia-aanplantings op sy plaas van 560 ha op die Hawaise eiland Kuaui, het Zuckerberg in ’n plasing op Instagram gesê. Op dié plaas wil hy Wagyuen Angus-beeste gebruik om van die beste beesvleis ter wêreld te produseer deur hulle makadamiameel en bier te voer.
