DIT was ’n skoonheidskompetisie wat destyds duisende inskrywings van reg oor Suid-Afrika gelok het: Huisgenoot se Mej. Tiener-wedstryd.
Toe die 18-jarige Hanneke Engelbrecht van Pretoria die eerste kompetisie in 1962 gewen het, het sy onder meer ’n vliegkaartjie Europa toe, ’n karakoelpelsjas en ’n naaimasjien gewen.
In die jare sedertdien het ons die kompetisie ’n hele paar keer aangebied, en verskeie tienermeisies het met die Mej. Tiener-titel weggestap.
Maar dis byna 30 jaar sedert Huisgenoot se laaste Mej. Tiener-kompetisie aangebied is, en ons dink dis hoog tyd dat dié kompetisie in ’n vars, moderne gedaante terugkeer.
Vanjaar is dus weer op soek na ons eie Mej. Tiener en daar is weer groot pryse
