MET sy eerste verskyning as die nuwe koning van Denemarke op die balkon van die Christiansborgpaleis in Kopenhagen met sy vrou aan sy sy was dit asof die horlosie 20 jaar teruggedraai is.
Soos op hul troudag het koning Frederik X ’n uniform gedra en die Australies gebore koningin Mary was in wit geklee. Weer het hy haar voor ’n juigende skare gesoen, nes daardie Meidag in 2004.
Albei was aangedaan. Dalk oor die groot verantwoordelikheid wat nou ná die abdikasie van Frederik se eksentrieke ma, koningin Margrethe II, op hul skouers rus, dalk omdat soveel water sedert hul sprokiestroue in die see geloop het.
Daar word
