‘VOOR MY HET HIERDIE STUKKENDE BABA MET SY BENE IN GIPS GELÊ’
HY HET in die prinses van Wallis se hart ingekruip en het miljoene ingesamel vir liefdadigheid en vir die hospitaal wat sy lewe gered het. Hy is ook die rede waarom ’n wet gewysig is om kindermishandelaars in die toekoms swaarder te straf.
Sy geliefdes was in die wolke toe dit onlangs bekend word die negejarige Tony Hudgell sou by die 2024 New Year’s Honours-seremonie ’n eerbewys van koning Charles ontvang. Niemand verdien meer erkenning as hul dapper seun nie – klein Tony wat so erg deur sy biologiese ouers mishandel is dat sy bene geamputeer moes word.
“Tony is ’n wonderlike rolmodel,” sê sy aanneemouers, Paula en Mark Hudgell. “Al wat hy wil doen, is om mense te help. Ons voel