“EK IS AL VIR MEER AS 30 JAAR ’N KLANT BY HULLE. Toe my foon op 1 November lui, het ek gedink die agent wil die tyd vir aflewering op die plaas vasmaak. Maar toe sê hy jammer, ons gaan nie kunsmis kry nie, want daar is nie en hy het waarskynlik ook nie meer werk nie,” sê Hansie Theart, ’n boer van Lichtenburg.
Theart was nie al een nie.
Al Greenlands Kunsmis se klante het dieselfde nuus met die aanvang van planttyd by hul agente gehoor. Dit ondanks bestellings wat al so vroeg as Junie vasgemaak is. Van die deposito’s is ook reeds betaal.
’n Dokument is op 2 November deur Greenlands Kunsmis aan sy agente uitgereik waarin aangevoer word dat Greenlands Kunsmis nie kunsmis kan lewer nie omdat dit oorgekoop is deur BB5 Kommoditeite. Verder word aangevoer
