Dit móés seker gebeur: die evolusie van die roer.
Vir jare, nee, dekades, selfs meer as ’n eeu, het gewere basies dieselfde gebly – ’n ysterpyp met ’n sluitingsmeganisme op ’n stuk gekerfde hout. Tradisie het vorm bepaal en mettertyd het ’n standaard ontstaan. Gewere het in beginsel almal dieselfde gelyk. Individuele mooi is eerder beoordeel aan fyner aspekte soos die gehalte van die gravering of die ruitwerk, en of daar dalk ’n stukkie ivoor in die voorlaai ingelê was. Die staalafwerking kon wissel van swartblou tot ’n bietjie blouer blou en enige verskille in