DIE geweld kon nie dramatieser begin het nie – met vuurpyle wat uit die bloute uit die hemelruim begin neerreën. Dit was net die begin.
Binne ure is Israelse dorpe, plase en selfs ’n musiekkonsert ingeval deur tientalle Palestynse militante van die Hamas-groep wat te voet, in karre en selfs in sweeftuie op hul Joodse bure toegesak het.
Die onlangse aanvalle in die suide van Israel word as die omvattendste oorlog in dié streek in ’n halfeeu beskou.
Die geweld het op ’n Saterdagoggend voor dagbreek begin, en teen die einde van die naweek was meer as 1 000 mense dood, derduisende beseer en is minstens 150 Israeli’s as gyselaars
