DIS Saterdagaand agtuur toe die sirenes in Israel begin loei. Mense skarrel bomskuilings toe terwyl die eerste ontploffings gehoor word.
Die volgende vyf ure deurklief missiele en onbemande tuie die naglug. Deur die genade is niemand dood nie.
Tog stuur dit ’n skokgolf deur die wêreld: Dis die eerste regstreekse aanval ooit op Israel deur Iran.
Toe die oorlog tussen Hamas en Israel verlede Oktober uitbreek, was daar kommer dat ander lande ingetrek sou word. Tot ’n mate het dit wel gebeur, want Amerika gee byvoorbeeld geld-en wapenhulp aan Israel, terwyl Hamas deur Iran opgelei en bewapen word.
Die ergste nagmerrie-scenario was dat Israel en Iran mekaar direk pak – en hul bondgenote bysleep. Vir sewe maande
