INSPIRASIE
Hy was skaars 12 jaar oud toe hy vir die pret in hul jaart begin groente kweek en roosbome plant het. Maar al wás hy lief vir tuinmaak en die natuur, was sy droom as kind om ’n siviele ingenieur te word.
Marlon Coert (28) het toe sy hart gevolg, en vandag werk dié Worcesterboorling as junior produksiebestuurder op die sitrusplaas Wynkeldershoek in Malmesbury. En sy harde werk in die landbousektor oes nou titels: Algehele Landbouwerker van die Jaar op die Swartland Wyn- en Olyfroete, én Junior Bestuur-wenner in die Swartlandstreek.
Sy harde werk en landbouvernuf is beloon, en tog was dié toekennings ‘n verrassing. “Ek was verbaas toe ek hoor ek het gewen. Ek het dit glad nie verwag nie,” sê Marlon aan tydens ’n besoek aan sy ouerhuis op
