MINSTENS 45 gevalle van snotsiekte is die eerste sewe maande van die jaar landwyd by veeartse aangemeld.
Luidens die maandelikse siekteopnames van die Herkouerveterinêre Vereniging van Suid-Afrika (Ruvasa) was daar 12 elk in die Vrystaat en Noordwes, 7 in Mpumalanga, 5 in Limpopo, 3 elk in die Wesen Noord-Kaap, en een elk in die Oos-Kaap, KwaZulu-Natal en Gauteng.
Prof. Moritz van Vuuren, veterinêre mikrobioloog, wys daarop dat die siekte in enige maand van die jaar en in enige van die nege provinsies kan voorkom.
“In die lig van die ernstige en absoluut verdoemende aard van wildebees-geassosieerde snotsiekte by beeste, behoort wildebeeste en beeste onder geen omstandighede naby mekaar aangehou te word nie.” Hy het gereageer op navrae van Landbouweekblad oor twee hofsake oor snotsiekte wat binnekort aangehoor gaan word.
In die een saak bring drie boere van Belfast in Mpumalanga ’n aansoek in die Gautengse hooggeregshof om ’n