AktueelGraan
’N VOEDSELVEILIGHEIDSTOETS van ’n sak meel wat van ’n winkelrak in Ierland bekom is, het ’n lae vlak van ’n plaagdoder vir aartappels getoon. Dié middel word nie by koringproduksie toegelaat nie.
Die meel kon nagespeur word tot by die meule en daarna tot by plase in die suide van Engeland waar die koring geoes is.
Dáár is gesoek na plase waar voorheen aartappels geplant is. Op een plaas, waar langer as tien jaar tevore laas aartappels verbou was, is die koring op ’n sementvloer afgelaai waarop daar ná al die jare steeds spore van die plaagdoder teenwoordig was. Dit het 600 ton koring besmet.
“Dit is ’n goeie voorbeeld van hoe naspeurbaarheid kan werk as almal rekord hou van waar die produk gekom het,” sê Paul Adams, senior bestuurder van navorsing en ontwikkeling by Pepsico in Engeland. Hy het dié gevallestudie op Agbiz Grain
