SUID-Afrika se lidmaatskap van Brics kom met ekonomiese voordele, maar die politieke kooi waarin ons klim, is nie sonder sy kopsere nie.
Nou heet dié groep boonop Brics+ nadat nog ’n paar lande tydens die onlangse Brics-beraad in Johannesburg genooi is om aan te sluit by die vennootskap wat ontluikende ekonomieë wil bevorder.
Maar wat is Brics dan nou eintlik, hoe verander dit noudat die groep uitbrei, en wat is die voor-en nadele daarvan?
Kenners verduidelik hoe die landskap lyk en hoekom dit kom met geleenthede sowel as slaggate.
WAT IS BRICS?
Dit is ’n akroniem vir Brasilië, Rusland, Indië, China en Suid-Afrika, en verwys na die groep ontwikkelende ekonomieë wat hierdie lande saam vorm.
Suid-Afrika is in 2010 deur China genooi om ’n lid te word van die groep,