DIE uitbreking van cholera in Hammanskraal, noord van Pretoria, en later in die Vrystaat en Noordwes, is geen verrassing nie.
Volgens die departement van water en sanitasie se jongste groendruppelverslag, ’n ouditprogram van rioolstelsels, is 334 rioolwaterstelsels in 90 munisipaliteite in kritieke toestand. Minder as die helfte van dié munisipaliteite, 43, het korrektiewe planne vir 168 van die aanlegte opgestel, maar net 34 van die planne is toegepas.
Die risiko van besmetting van landbougewasse wat met rivierwater besproei word, is groot naby en stroomaf van ongesuiwerde rioolstortings, sê Fritz Bekker, ’n watergehaltespesialis wat names Gariep Watch, ’n nieregeringsorganisasie,