![f0030-01](https://article-imgs.scribdassets.com/3kijy8fvggb34nmt/images/fileV5ZC9PV1.jpg)
MIN stappe in ’n velsorgroetine voel so luuks as om ’n voedende masker aan te wend. Al is dit nie noodsaaklik nie, kan gesigmaskers meer wees as net ’n aangename selfsorgervaring. “Maskers is ontwerp om vir ’n spesifieke tydperk aan die gesig aangewend en daarna afgespoel te word,” sê Ruan Winter, bemarkingsbestuurder van Vitaderm, ’n voorsiener van kliniese velsorg in Johannesburg.
“Verskillende maskers help met verskillende velbekommernisse. Party maskers kan oornag aangelos word sodat die vel al die voordele kan opneem terwyl jy slaap; ander kom in die vorm van rome, jels of klei en bevat bestanddele wat ’n verskeidenheid voordele vir die vel bied,” sê Ruan.
Maar om seker te maak jy kies die regte masker hang af van verskeie faktore soos jou velsoort,