VEILIGHEID IN EN OM DIE HUIS
■ Hou ’n lys van noodnommers by alle telefone en stoor dit op jou selfoon. Gebruik die akroniem ICE (In Case of Emergency) voor elk van hierdie kontakte sodat die nommers maklik is om in ’n noodsituasie op te spoor.
■ Hou verwarmers in ’n goeie werkende toestand, buite jou kind se bereik en ten minste 1m weg van gordyne, papier of meubels wanneer dit aangeskakel is. Gebruik beskermende bedekkings.
■ Maak seker dat elektriese koorde nie rafels het of oorlaai word nie, en buite bereik is. Alle kragpunte moet veiligheidsbedekkings hê.
■ Installeer veiligheidshekke vir peuters aan die bo- en onderkant van alle trappe en verseker dat die sterkte van trappe, relings, buiteportale en balkonne nagegaan is.
■ Installeer veiligheidsknippe of -slotte op alle kaste, yskaste, laaie en toilette.
■ Sorg dat alle blindings se koorde buite bereik is.
■ Maak seker dat alle medisyne, vitamiene, skoonmaakprodukte, huishoudelike gif, skeermeslemmetjies en skêre veilig gebêre is in houers wat kinderbestand is.
■ Hou hoë stoele weg van die stoof en sit potte op die agterkant neer met handvatsel wat na binne wys.
■ Maak seker alle speeltoerusting in die tuin is korrek gemonteer bo-op ’n sagte, gelyke oppervlak, soos sand of houtskerfsels.
■ Verwyder giftige plante of plante met dorings uit die tuin.
■ Sien toe dat jou motorhuis se deur en elektriese hekke veiligheidsmeganismes het wat die deur laat