Of jy nou ʼn gesoute tuinier of ʼn nuweling is wat groentekweek betref, is daar altyd vrae. Sodra die grondbeginsels (hoeveel son, water, misstof en meer) afgehandel is, bring ander gereelde vrae al die interessante besonderhede van groentetuinmaak aan die lig.
Kan ek gryswater vir my groente gebruik? Wat moet ek aan die bruin kolle op die groenteblare doen? Hoe raak ek ontslae van slakke? Kan ek my eie potmengsel maak? En meer. Die antwoorde op al die vrae kan etlike boeke vul.
Terug na die grondbeginsels
(ons moet almal daaraan herinner word!)
Wat het groente nodig?
Volson in die winter en beskutting teen wind. Minstens ses uur son in die somer, verkieslik oggendson en namiddagskadu.
Die plek moet so gelyk moontlik wees, wat makliker is om te bewerk, en afloopwater pla nie. ʼn Effense helling is nie