Die grootste bekommernis rakende klimaatsverandering in die Sandveld is oor die gevolge as boere nie nou reeds begin om toekomsgerig op te tree nie, meen Pieter Brink, voorsitter van die Sandveld-aartappelwerkgoep. Hy meen boere sal met nóg meer vernuf moet boer.
“Daarom kyk ons ál meer na die jongste tegnologie om dit wat ons het, tot die maksimum aan te wend. Ons kan nie water maak nie, maar ons kan dit slimmer gebruik.”
Een van hierdie moontlikhede is om afstandwaarneming te gebruik om die volhoubaarheid van waterbronne te verseker.
“Die oogmerk is om ’n digitale stelsel te ontwikkel wat boere in staat sal stel om waterbestuur te optimaliseer. Kortliks, ons wil tegnologie ontwikkel, waaronder nuwe inisiatiewe, om met meer vernuf in die Sandveld te boer.”
Droogtes wat elke jaar vererger,