‘HALLO, hallo,” roep Palawa die kameelperd opgewonde toe sy by die Babbelboomhuis aankom. “En hoe gaan dit vandag?” vra sy kliphard.
“Og, kan jy asseblief ’n bietjie sagter praat?” vra Paloeka die leeu en vryf sy kop. “Ek het vanoggend ’n vreeslike kopseer. Ek wil nou nie ons pret bederf nie, maar sjoe, al die lawaai…” sê Paloeka. Sy ooglede hang en hy lyk doodmoeg.
“Siestog, Paloeka, dit is glad nie lekker nie,” sê Bibi en vryf haar leeumaat se rug.
“Paloeks, ek wil nou nie lelik wees nie, maar dit lyk regtig of ’n trein jou getrap het,” sê Palawa.
“Dis onmoontlik. Hier is nie eens treine naby ons nie,” sê Paloeka en vryf
