Aktueel HANDEL
Sedert Suid-Afrika se toelating in 2010 tot die eertydse Bric-groepering van lande, het sy aandeel van die uitgebreide Brics-blok se algehele landbou-uitvoer gestyg. Die keersy van die munt is egter dat die ander vier Brics-lande sedert 2010 al hoe meer landbouprodukte na Afrika uitvoer, terwyl Suid-Afrika se markaandeel op die vasteland afgeneem het.
Dit was een van die bevindinge van ’n onlangse ontleding wat Matthew Guest, ’n nagraadse student aan die Universiteit Stellenbosch se department landbou-ekonomie, gedoen het.
Gee egter ’n stap terug en dit is interessant om te kyk hoe Brics ontstaan het en watter posisie dié groepering in die wêreld beklee.
Nadat die beleggingsbank Goldman Sachs in 2001 in ’n publikasie voorspel het dat die ekonomieë van Brasilië, Rusland, Indië en China teen 2050 ’n belangrike plek in die wêreldekonomie sal beklee, het
