ONDANKS groeiende landbou-uitvoer na Japan is daar nog baie geleenthede vir Suid-Afrikaanse boere om munt te slaan uit dié mark.
Dié eilandstaat is Suid-Afrika se vierde grootste handelsvennoot (naas China, Amerika en Duitsland). Handelsbedrywighede tussen Suid-Afrika en Japan is onlangs op R159 miljard per jaar geraam.
Japan se bergagtige landskap, wat ongeveer 85% van sy landoppervlak uitmaak, maak hom veral ’n groot invoerder van landbouprodukte.
Suid-Afrikaanse wyn, rooibostee en sitrus is reeds gewild onder Japannese verbruikers. Rooibostee-uitvoer na Japan was byvoorbeeld in 2006 relatief klein, maar vandag is dit die enkel grootste bestemming vir Suid-Afrikaanse rooibostee, met een maatskappy wat alleen sowat 600 000 ton
