KORTOM
■ Makadamiaverbouing in die Suid-Kaap het van sowat 200 ha in 2006 tot 2 000 ha op vier kommersiële plase gegroei. Sedert 2017 word nog boorde gevestig op grond van die bewese sukses in die streek.
■ Sonder kruisbestuiwing dra die Beaumontbome in die Wildernis-omgewing net elke tweede jaar, al is daar baie blomme.
■ Binne sowat vyf jaar het dié kruisbestuiwing die opbrengs in sommige boorde op die plaas Toorbos verhoog van gemiddeld 0,5 t/ha tot 4 t/ha, en sodoende die boerdery gered.
Om in die wedloop te bly om van die beoogde dubbelgroeisyfers vir makadamianeute te skep, moes die Suid-Kaapse boer Braam van Wyk alles in die stryd werp om te keer dat hy ’n tweede keer sy plaas verloor.
Sy Beaumont-makadamiabome wat nie geproduseer het soos van hulle verwag word nie, het Braam van die plaas Toorbos, in die Hoekwil-gebied by Wildernis, gedwing om dringend ’n oplossing daarvoor te kry. Sy proefblok, waar sowat 25 makadamia-kultivars getoets is, het uiteindelik vir hom die antwoord op sukses en volhoubaarheid gebied, naamlik die regte kultivars en