Teen druktyd was dit nog nie duidelik of genoeg gesertifiseerde saad uit Australië beskikbaar sou wees om in die plaaslike vraag te voorsien nie. Dit beteken dat sommige produsente geen ander keuse sou hê as om, teen kundige aanbevelings in, teruggehoude saad aan te plant nie.
“Dit is tegnies moontlik om terughousaad te plant, maar die groeikragtigheid en siekteweerstand, asook die uiteindelike opbrengs en olie-inhoud, sal swakker wees as van die suiwer bastersaad,” het Rikus Schoeman, onafhanklike bestuurskonsultant vir Pioneer Kanola van Stellenbosch, op ’n onlangse kanolafokusdag van Bayer en AECI by Riebeek-Kasteel gesê.
“Die aanplantings is ook tipies