LET WEL: As jy, soos ons, linne vir jou projekte gebruik, was jou materiaal voordat jy begin. Stel die masjien op 60 grade Celsius en tuimeldroog die materiaal ná die tyd, sodat dit reeds gekrimp en sagter is voordat jy daarmee begin werk.
GORDYNTJIES
projek MARIETJIE VAN WYK
MOEILIKHEIDSGRAAD: medium
TYD: 3 uur
JY BENODIG
♥ linne- of katoenmateriaal
♥ bypassende masjiengare
♥ naaldwerkskêr
♥ kopspelde of materiaalklampies
♥ maatband
♥ merkpen
SO MAAK JY
1 Meet die openinge wat jy met die gordyntjies wil toemaak en tel minstens 50 cm by vir die val bo, die some asook vir die maak van die lussies. Bereken hoeveel meter materiaal jy benodig.
Voor jy knip, maak eers ’n skets, vermenigvuldig die breedte met 1,5 om ’n bietjie volheid te kry, maar nie te veel nie, en tel 5 cm aan weerskante by vir die syrandsoompies en 10-15 cm vir die soom aan die onderkant. Onthou, dit moet gewig aan die gordyne gee. Tel vir die val minstens 20-30 cm by die lengte