![f0082-01](https://article-imgs.scribdassets.com/7c1fvfj08watsslf/images/fileMQPWVDFJ.jpg)
DIE afgelope tydjie se kortstondige verligting van gereelde beurtkrag het baie mense laat hoop die dae van daaglikse kragonderbrekings is dalk vir eers verby.
Maar helaas was dit waarskynlik net tydelike troos.
Eskom se kwale ken geen einde nie, en ’n wankelende kragnetwerk sal nog lank ons voorland bly.
Met beurtkrag wat deesdae eerder die reël as die uitsondering is, ondersoek almal pal bekostigbare oplossings om die krag aan te hou. En hoewel kenners predik sonkrag is die beste, groenste, volhoubaarste oplossing vir huishoudings, bly dit ’n duur uitweg – haas onbekostigbaar vir die meeste mense.
Daarom het ons by kenners gaan aanklop vir ’n eenvoudige, verstaanbare uiteensetting van die drie algemeenste alternatiewe oplossings teen beurtkrag: die gebruik van omkeerders, kragopwekkers en gas.
As ’n sonkragstelsel jou nie beskore is nie, vergelyk dié drie moontlikhede vir jou huishouding om te kyk wat jou die meeste sal help.
OMKEERDERS
Wat is dit?
’n Omkeerder word ook ’n wisselrigter, omsetter of omskakelaar genoem – oftewel ’n “inverter”, soos dit in Engels bekend is.
Dit werk met batterykrag. Jy kan die batterye afsonderlik of saam met jou omkeerder aanskaf.
Wanneer beurtkrag inskop, gebruik die omkeerder die krag van die batterye om noodsaaklike toebehore of ligte in jou huis aan te hou.
Die battery word deur die Eskom-krag herlaai wanneer die krag weer aangaan, of dit kan herlaai word deur ’n ander kragbron, soos ’n sonkragstelsel of kragopwekker.
Die kerngebruik van