Die planters en die tegnologie in hierdie planters is Suid-Afrikaans en vir Suid-Afrikaanse omstandighede ontwikkel.
Dit is egter nie die enigste pad vir Equalizer, ’n maatskappy wat kleingraan- en mielieplanters ontwikkel en vervaardig nie. Mnr. Gideon Schreuder, die stigter van Equalizer, sê die maatskappy vind die afgelope tien jaar die planters is ook vir toestande in Australië geskik.
Die maatskappy se sukses daar het hom die Oos-Europese mark vir mielieplanters laat ondersoek. Daar was ook ’n vraag na die planters, en aan die vooraand van Rusland se inval in Oekraïne het hy potensieel bestellings vir 40 planters gehad.
“Maar toe die oorlog begin, het hierdie bestellings