DAT dit vir kinders lekker is op die platteland is ’n feit soos ’n koei. Maar wat het hulle nodig om ’n volhoubare toekoms te bou net hier waar hulle op hul gelukkigste is?
Dié vraag is waarmee die boeregemeenskap van Reitz in die Oos-Vrystaat vyf jaar gelede gestoei het toe hulle die Reitz Landbou-akademie gestig het. Hulle glo daar is vir jong mense ’n blink toekoms in die landbou. Daarby wou hulle hul kinders op hul eie dorp laat skoolgaan sonder dat die kinders geleenthede moet inboet om die beste moontlike opleiding te kry.
Die landbou-akademie, wat as ’n maatskappy sonder winsbejag bedryf word, het ’n doelwit gestel dat sy opleiding van
