LANDBOUWEEKBLAD het verlede maand berig dat ’n nuwe liggingsdifferensiaal-stelsel, met verskillende verwysingspunte, vanaf die 2024-’25-bemarkingsjaar op die JSE-sojaboonverskansingkontrak beproef gaan word. Hierdie stelsel sal dan moontlik die huidige model, met Randfontein as enkele verwysingspunt, in die 2027-’28-bemarkingsjaar vervang “indien markdeelnemers dit sou ondersteun”.
Sedert 2006 is verskeie artikels rakende hierdie onderwerp geplaas waarin verskeie wanopvattings en misleidende stellings telkens gemaak word. Genoemde artikel is ook geen uitsondering nie. Ek kan net bespiegel of hierdie misleidings doelbewus is, maar dit is en was beslis deel van die oorsaak van die probleem wat nou reggestel moet word deur ’n “nuwe differensiaal-stelsel”. Ek verduidelik hierdie stelling van my as volg:
Wanneer daar van die “graanbedryf” en die “graanmark” melding gemaak word, moet onderskei word tussen die JSE-termynmark en die fisieke graanmark.
Hierdie twee markte is nie dieselfde instrument nie, en kan ook nie uiteengesit.