Stap is sekerlik een van die maklikste buitelugstokperdjies, maar baie beginners voel soms onseker. Daar is egter nie veel om oor bekommerd te wees nie en jy het geen spesiale vaardighede nodig om te stap nie. Boonop is Suid-Afrika natuurlik ‘n voetslaan-paradys, met van die beste staproetes ter wêreld. Of dit nou langs riviere, berg-op of selfs in nasionale parke is, ons land spog met staproetes vir voetslaners van alle fiksheids-en vaardigheidsvlakke.
Maar voordat ons kyk na ‘n paar basiese dinge vir beginners om te oorweeg, kom ons bepaal net eers presies wát hierdie stokperdjie nou eintlik is. Volgens kenners word stap gedefinieer as “die aktiwiteit om op lang wandelings te gaan, veral in die veld of bos”. Enige soort stap wat nie op ‘n sypaadjie of teerpad is nie, sal as ‘n staptog tel.
Soorte staptogte
• is wat die meeste mense doen wanneer hulle sê dat stap hul stokperdjie is. ‘n Dagstaptog word in ‘n enkele dag gedoen en kan wissel van ‘n vinnige roete van so 1 tot 2km wat minder as ‘n uur neem, tot ‘n heeldag uitstappie.• is ‘n roete wat oor ‘n paar dae strek insluit, wat behels dat die roete in een park, dorp, provinsie of selfs land begin en in ‘n ander eindig (en tot maande kan duur).• is ‘n relatief nuwe neiging, waar roete-organiseerders jou toerusting van hut tot hut vervoer en jy slegs met jou dagrugsak stap.