Goeie oeste en gunstige pryse vir graan en oliesade bring mee dat saaiboere in toerusting belê. Dit het daartoe gelei dat Suid-Afrika in 2022 sy beste trekkerverkope in 40 jaar gehad het. Volgens Agbiz het verkope op ’n jaargrondslag met 17% gegroei tot 9 184 werktuie. Stroperverkope in dieselfde tydperk was 373 – ’n styging van 38% teenoor 2021.
Dit is die hoogste jaarlikse verkope sedert 1985.
Hierdie silwer randjie van goeie oeste en pryse het egter ’n donker wolk in die vorm van insetkoste wat steeds aan boere se winste vreet. In sy basislynverslag voorspel die buro vir voedsel- en landboubeleid (BFAP) ’n klein afname in kunsmispryse in 2023, gevolg deur ’n meer beduidende afname in 2024 namate aanboddinamika normaliseer. Suid-Afrikaanse boere bly egter uitgelewer aan wêreldmarkpryse en ander faktore wat tot hoë koste
