Dis 'n ware Aspoestertjieverhaal – van 'n skool op die Kaapse Vlakte wat twaalf jaar geiede die etiket van “disfunksioneel” gedra het, maar deesdae 'n baken van hoop in 'n arm gemeenskap is.
By West End Primêrin Lentegeur, Mitchells Plain, word die kinders van skoolfooie kwytgeskeld weens die gemeenskap se swaksosio-ekonomiese omstandighede. Maar danksy 'n hoof met visie en onderwysers wat veel meer as net die nodige doen, is dit in 2022 gekies as een van die toptienskole ter wêreld wat betref die oorkoming van moeilikeen uitdagendeomstandighede.
Dis geen klein prestasie nie. Meer as 300 000 skole het ingeskryf vir hierdie nuwe kompetisie, wat deur T4 Education in samewerking met Accenture en American Express aangebied word en die beste skole ter wêreld in vyf verskillende kategorieëaanwys.
West End van 85 skole in Mitchells Plain. Teen 2010 was daar nagenoeg 1 100 leerders, met die oorgrote meerderheid wat uit die plaaslike omgewing kom, hoewel die skool ook Philippi en Khayelitsha bedien. Ondanks die baie uitdagings, het dit oor die jare uitblinkers op verskeie gebiede opgelewer- selfs 'n NASA-wetenskaplike.
