’Nliefde vir jag, vuurwapens en die natuur bruis deur die are van elke SA Jagters-lid wat hierdie kultuur vir die nageslag wil sien voortleef. Wat kan die huidige geslag doen om te verseker dat hierdie tradisies nie verlore gaan nie? Die meeste SA Jagters-lede het aangename herinneringe van ’n mentor wat op een of ander stadium in hul lewens ’n beduidende rol gespeel het om ’n lief-de vir jag, vuurwapens en die natuur te kweek.
By SA Jagters se 83 takke landwyd is mentorskap soos die suurstof wat ons inasem: onsigbaar en vanselfsprekend, maar die resep vir ’n ongelooflike suksesverhaal! Lede-aktiwiteite soos vergaderings, skietdae, opleiding, bewaringsprojekte en jag skep geleenthede vir mentors om ’n betekenisvolle bewustheid te skep vir verantwoordelike vuurwapenhantering, jag en bewaring. Dit lê die grond-slag vir meer gestruktureerde opleiding as toegewyde jagter en sportskut, baanoffisier en trofee-meter. Blootstelling aan takaktiwiteite kan vir menige voornemende jagter die eerste kans bied om saam met ervare