DAAR is ’n paar veranderlikes waarop boere vanjaar bedag moet wees omdat dit ook hul winsgewendheid en volhoubaarheid kan beïnvloed. Landbouweekblad het ’n paar ontleders gevra watter gebeure buite die plaashek boere vanjaar moet dophou. Veral vier kwessies is uitgelig.
1. OORGANG NA DROËR WEERSIKLUS
Die landbou is uitgelewer aan die weer en Suid-Afrika het die afgelope paar jaar eintlik goeie klimaatstoestande gehad, tot só ’n mate dat vier van die land se grootste mielie-oeste en hoogste opbrengste in die afgelope ses jaar gestroop is,
