VIR besproeiingsboere beteken langdurige fase 5- en fase 6-beurtkrag dié tyd van die jaar besliste verliese en selfs misoeste.
Mnr. Nicol Jansen, ondervoorsitter van Agri SA, sê met hoë vlakke van beurtkrag het besproeiingsboere nie genoeg krag per dag om gewasse suksesvol te produseer nie.
“Die hoeveelheid beskikbare pomp-ure is eenvoudig te min om aan die spitswaterbehoeftes van gewasse te voldoen.”
Volgens mnr. Peter Kotzé, ’n boer en voorsitter van die Boegoeberg-watergebruikersvereniging by Groblershoop, is besproeiingstelsels vir onder meer mielies, lusern, wingerd en ander somergewasse ontwerp om tydens die spitswaterbehoefte van die gewasse altesaam 19 uur per dag