LANDBOU IS WEERLOOS TEEN ESKOM-RAMP
DIE ongekende fase 6-beurtkrag wat Suid-Afrika middel September lamgelê het, het ’n katastrofiese impak op landboubedrywe, en daar was kommer oor die gevolge wat dit vir voedselbeskikbaarheid, oesgehalte en inkomste inhou.
“Kosvoorsiening na die verbruiker kan onder groot druk kom,” het mnr. Hennie Lourens, uitvoerende hoof van Quantum Foods, produsent van Nulaid-eiers en ook ’n voervervaardiger, aan Landbouweekblad gesê.
Beurtkrag lei tot groot druk op voervervaardiging vir alle spesies, van lêhoenders tot varke, braaihoenders en melkkoeie. Wanneer fase 5- en fase 6-beurtkrag geld, staan voerfabrieke sonder kragopwekkers tot 12 uur per dag stil. Waar daar wel opwekkers is, is die koste baie hoog.
Lourens sê die voorsiening
