Verlede jaar se rekordkanola-oes was te danke aan groter aanplantings, maar ook besonder goeie opbrengste in sommige gebiede. Teen einde November het Soill (Southern Oil Limited) reeds 206 000 ton kanola ingeneem. Mnr. Zander Spammer, landboukundige hulpbronbestuurder by die maatskappy, sê hulle het toe nie veel meer verwag nie.
Boere het verlede jaar 120 000 ha kanola geplant, 20 000 ha meer as in 2021. Spammer verwag dat aanplantings vanjaar tot 135 000 ha kan styg, maar hy sal eers in Februarie weet wat boere se voorneme om te plant is.
As die weer saamspeel, kan boere baie hoër opbrengste as verlede jaar se gemiddeld van 1,7 t/ha behaal, sê hy.
“Daar is boere wat verlede jaar 2,4 t/ha oor 1 000 ha geoes het. Ek het kanola