Dis 'n nuwe jaar en dalk tyd om te kyk waar jy beter finansiële besluite kan maak. Een manier is om seker te maak jy betaal nie onnodig te veel vir versekering nie. 'n Te hoë premie is uiteraard geldmors. Maar soms kan 'n eis selfs op grond daarvan dat jy oor-verseker is, net deels uitbetaai, waarsku kenners.
Moet tog net nie broodnodige dekking laat verval wat jou in geval van sterfte of ongeskiktheid in groter finansiële ellende kan laat beland nie.
Een slaggat waarin getrap kan word, is met begrafnisdekking. Hoewel SuidAfrikaners duidelik groter waarde hieraan heg as aan enige ander versekering, is dit nog 'n grootliks ongereguleerde bedryf wat wemel van agente wat nie noodwendig mense se belange op die hart dra nie. En, ja, daar is ook begrafnisondernemers