WAAROOR GAAN DIT?
In die langverwagte opvolgfliek van 2009 se Avatar neem die regisseur James Cameron kykers terug na die wêreld van Pandora en die lewe van die inheemse inwoners, die Na’vi. Die fliek het in 2009 die loket oorheers en drie Oscars ontvang vir beste kunsregie, kinematografie en visuele effekte.
Die gier om sedertdien flieks in 3D uit te reik word grootliks aan Avatar toegeskryf.
In die eerste fliek moes die voormalige soldaat Jake Sully (Sam Worthington) die mense van Pandora help veg om ’n waardevolle mineraal te beskerm teen inwoners van die Aarde wat dit wou ontgin.
