VASBYT OP RHENOSTERKOP
WENBRIEF
As ek vir mense sê ek bly op ’n plaas by Calvinia, begin hulle praat oor die Vleisfees en die groot rooi posbus. Calvinia en sy mooi Hantamberg beteken vir my soveel meer as dit.
Sowat 40 km op die Klipwerfpad woon mnr. Deon en me. Petra Visagie, en hul twee dogters, Hilda-Marie (20) en Demi (18), op die plaas Rhenosterkop.
My pa is die derde geslag op die plaas en boer al 40 jaar – sedert hy 15 jaar oud was. Ná die vreeslike droogte kan ek julle belowe niemand werk so hard soos hy nie. Niemand gee ook so om soos hy nie. Hy het lorrievragte voer aangery, maar nie net vir homself nie.
My pa moes sy beste ooie selekteer en hou. Dit was moeilik omdat die ooie nie dadelik gelam het nie. My pa het goeie bestuur toegepas en op die regte tyd die ramme by die ooie gesit. Ons is in die winterreënstreek en dit is wanneer ons wil hê die ooi moet lam.
Natuurlik was daar bykomende faktore, soos die