k moet dadelik bieg – ek is nie die grootste liefhebber van potjiekos nie. My hoofprobleem is dat ek nie hou van skerp bene wat daar tussen die aartappels en uie kan wegkruip nie. Toe my swaer ons dus ’n paar jaar gelede vir potjiekos oornooi, het ek nie juis op en af gespring van opgewondenheid nie. Toe ek egter hoor dit is ’n biltongpot, het al my vrese eensklaps verdwyn – hier is mos geen been in sig nie! Ek onthou nog hoe ek gesmul het aan hierdie heerlike potjie wat gemaak word met pasta, sampioene, room, kaas en natuurlik biltong. Kings Meat Deli het vir my ’n groot pak blouwildebeesbiltong gestuur om in een van my resepte te gebruik en ek het onmiddellik geweet
