Smaaklike Spaanse happies vir ’n gesellige saamkuier
Tapas – klein bordjies lekkernye waaraan ’n mens saam-saam smul – is ’n baie gewilde Spaanse manier van kuier. Met die lente om die draai is nou die perfekte tyd om ’n bietjie kreatief te wees en jou geliefdes oor te nooi vir ’n tapas-fees met ’n wildsvleiskinkel. Tapas is bedoel om geniet te word saam met ietsie lekker om te drink. Skink dus ’n glas van jou gunstelingwyn of -bier en sit aan om ’n heildronk op die nuwe seisoen in te stel.
TRADISIONELE CROQUETTAS MET BLOUWILDEBEESBILTONG
Ek het hierdie resep aangepas uit die Spaanse sjef Omar Allibhoy se uitstekende boek,. Hy maak dit met serrano-ham, maar ek gee dit ’n eg Afrika-geur met droë blouwildebeesbiltong. Dit is nie moeilik om te