SUID-AFRIKA se pluimveebedryf voer jaarliks 26 000 ton hoendervleis van R622 miljoen uit, maar daar is aansienlike ruimte vir uitbreiding, volgens mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV).
Hy het onlangs deelgeneem aan ’n debat oor die stand van die meesterplan vir die pluimveebedryf, waartydens verskeie struikelblokke en geleenthede in die bedryf bespreek is.
“Die bedryf moet strategies begin kyk na die uitvoer van hoendervleis. Tegnologiese vooruitgang maak dit nou vir ons makliker om uit te voer. Ons werk daarom reeds hard agter die skerms om uitvoer na die Europese Unie (EU) aan te moedig.”
Fitosanitêre maatreëls bly egter een van die groot probleme wat uitvoer betref.
“Ons ent teen Newcastle-siekte in en kan daarom nie bevrore