Die Suider-Afrikaanse mark het die afgelope paar jaar maar ’n moei-like tyd beleef met die onverkrygbaarheid van dryfmiddels ná die Somchem-tragedie, Covid-19 en die massiewe plaas-like aanvraag in Amerika en elders. Ondanks die groothandelaars se beste pogings, was invoere maar sporadies en pryse het die hoogte ingeskiet nadat die rand teen die dollar verswak het. Dit is alles slegte nuus vir herlaaiers. Die goeie nuus is dat daar nou nóg ’n dryfmiddel-reeks beskikbaar is in die vorm van Lovex. North West Explosive Technologies (NWXT) is die invoerder van dié reeks en het drie van hulle langgeweerdryfmiddels vir SA JAGTER/ HUNTER gegee om te toets. Ek het vir Kassie Kasselman, Harold van Niekerk en Johann Ungerer gevra om dit saam met my te toets en hul opinies en resultate te deel.
Lovex word vervaardig deur Explosia, ’n 100-jaar oue Tsjeggiese maatskappy wat beter bekend is vir die ontwikkeling van Semtex-plofstof. ’n Aanlyn herlaaihandleiding is beskikbaar vir hul
