Sowat 18 jaar gelede het ek in Auckland, Nieu-Seeland, aangeland om ’n nuwe lewe in ’n vreemde land te probeer uitbei-tel – en dít boonop in Ingels. Voor ek weg is uit die Republiek, het ek van die meeste van my gewere ontslae geraak. My tyd as jagter was amptelik verby. Ek het darem my .243’tjie gehou vir wanneer ek so dan en wan Suid-Afrika toe sou kom om by my ouers te kuier en ook sommer ’n bietjie te jag. Dis mos net ons Suid-Afrikaners wat wíl en kán jag. Só het ek altans gedink. Genadiglik was ek verkeerd, want in Nieu-Seeland ontdek ek toe, soos Aladin op sy vlieënde tapyt gesing het, “a whole-new world”.
JAGSPESIES
In Nieu-Seeland kan ’n mens sewe soorte takbokke jag, asook wilde varke, thars, chamoisbokke, boerbokke en heelwat water- en landvoëls. Die algemeenste wildsbok is die edelhert (red deer) wat uit Engeland en Oostenryk ingevoer is en tussen rooihartebees- en blouwildebeesgrootte is. Die bulle word stags genoem en die koeie hinds. As jy ’n edelhertbul met 12-14 of meer punte (horingvertakkings) skiet, het jy ’n spogtrofee.
Die kom van Japan en is in die middel