Nampo Alfa beloof interaktiewe aksie
’N Skou waar die besoeker die kans kry om eers die produk uit te toets en interaktief met uitstallers te skakel, is die idee agter Nampo Alfa 2022. Dié ekspo word vanaf 29 September tot 1 Oktober op Nampo-park buite Bothaville in die Vrystaat aangebied en konsentreer op vee, jag en die buitelewe.
“Dit is vir ons belangrik om iets unieks en anders na die mark te bring,” sê mnr. Bennie Zaayman, Graan SA-terreinbestuuder vir ekspo en uitstalruimtes by Nampo.
