Volgens ’n ou Afrikalegende was bosvark en vlakvark eens op ’n tyd groot vriende. Hulle het saam-saam deur die onderbos en vleie gedraf, goggas gesoek en vir wortels gegrou. Op ’n dag het die een hom egter soos ’n vark gedra en ’n groot rusie het gevolg. Van toe af vermy hulle mekaar en nou loop vlakvark in die dag en bosvark in die nag.
Skynbaar vergeet dié twee egter soms van hul geskil en loop tóg saam. ’n Klompie jare gelede het ’n paar van ons gery om voer uit te plaas sodat my vriend Johan Smit ’n bosvark met sy tradisionele boog kon jag.
TWEE BOSVARKE VIR ’N MOOI BOOG
Johan is ’n bobaas-boogbouer en het ’n pragtige gekurfde boog vir Henk du Plessis gebou, wat ’n jagplaas in die Sterkrivieromgewing net anderkant Naboomspruit (deesdae Mookgophong) besit. Ons is ook goeie vriende met Henk en kuier en jag al vir baie jare op sy plaas.
In ruil vir dié boog kon Johan twee bosvarke skiet. Hy wou
