Oorgeklankte televisiereekse het die afgelope tyd ontplof in gewildheid, spesifiek die Afrikaans-oorgeklankte Turkse telenovelles. kykNET & kie (*145) het in Julie twee splinternuwe oorgeklankte telenovelles, In die Ysterhand Se Greep en Kind Van Die Noodlot (lees meer op bl. 35) tot hul skedules bygevoeg, maar dis die gratis TV-kanaal e.tv (*194) wat eerste die geleentheid raakgesien het om verskeie oorsese telenovelles met Afrikaanse stemme vir die smeulende Turkse akteurs uit te saai.
Op die kanale eExtra (Openview 105) en ePlesier (Openview 112), en op e.tv se stroomdiens eVOD, is daar nog meer van dié kykgenot. Die telenovelle Droomverlore word