ONS STRYD AS SKEIDSREGTERS
![f0084-01](https://article-imgs.scribdassets.com/58sp573d4w9yl8bb/images/fileGB9OLHNB.jpg)
![f0084-02](https://article-imgs.scribdassets.com/58sp573d4w9yl8bb/images/fileL471H8Q1.jpg)
TOE die Brasiliaanse skeidsregter Carlos Bernardes op die baan stap, het hy dadelik geweet dit gaan ’n moeilike oggend in die stoel wees. Dit was die 2022-Miami-ope, en die wedstryd tussen die jong Italianer Jannik Sinner en die Australiër Nick Kyrgios is aan hom toegewys.
![f0084-03](https://article-imgs.scribdassets.com/58sp573d4w9yl8bb/images/fileUO5BJ4IL.jpg)
Kyrgios was van die begin af geïrriteerd en het oor die stadige baan gemor. Op 4-4 in die eerste stel het hy ’n goeie terughou op Sinner se afslaan gemaak toe geraas van Bernardes se tweerigtingradio die spel onderbreek het. Bernardes het gevra die punt moet oorgespeel word.
“Jy moet op die plek afgedank word,” het Kyrgios op hom geskree. “Hoe is dit moontlik? Hoe is dit moontlik! Die vierde ronde van Miami, een van die grootste toernooie, en julle ouens kan net nie jul werk doen nie.”
Ongelukkig vir Bernardes was dit maar net die begin. Met elke wisseling van kante het Kyrgios aangehou om die skeidsregter te kritiseer; hy het sy optrede “verregaande” en “vernederend” genoem.
Toe die eerste stel sy klimaks bereik, het Bernardes vir Kyrgios ’n waarskuwing gegee omdat hy gevloek het. Daarna het die Australiër hardop vir sy vriend op die paviljoen gesê hy kan Bernardes se werk veel beter doen. Bernardes het toe weens Kyrgios se onsportiewe gedrag ’n punt vir sy teenstander gegee.
Kyrgios is bekend vir sy botsings met beamptes, maar dit was nogal baie persoonlik.
‘AS JY ALLES PERSOONLIK OPNEEM, KAN JY NIE IN DIÉ WERK OORLEEF NIE’
Toe hy die stel met ’n dubbelfout verloor, het Kyrgios Bernardes weer uitgekryt en op hom geskree.
You’re reading a preview, subscribe to read more.
Start your free 30 days