IN DRUK SE STRIK
AAN die begin van sy boulaanloop is Scott Boswell in sy eie uiters openbare hel gedompel. Die eindstryd van die Cheltenham & Gloucester Trophy in 2001 op Lord’s buite Londen moes die hoogtepunt van sy krieketloopbaan gewees het. Pleks daarvan kon hy nie doen wat al vir hom soos tweede natuur gevoel het nie.
“Ek’t so angstig geword, ek het gevries. Ek kon dit nie afskud nie,” onthou hy.
Vir Boswell (toe 26), ’n snelbouler vir die Engelse graafskapspan Leicestershire, het dit gevoel die boulbeurt wil “nooit eindig nie”.
“Hoe kan dit wees dat ek nie kan opdraf en boul nie – iets wat ek al jare lank doen sonder om eens daaroor te dink? Wat in my brein het my gekeer om dit doen en my siek en angstig laat voel?”
n Boulbeurt in krieket bestaan uit ses aflewerings – dis te sê ses balle wat nie as ’n foutbal of wydloper beskou word nie. Daar is gewoonlik net ’n handvol foutballe in ’n kolfbeurt.
Maar Boswell se tweede boulbeurt in die eindstryd teen Somerset het vir 14 balle aangehou terwyl hy herhaaldelik die bal te wyd aan weerskante van die kolfstreep laat trek het. ’n YouTube-video van die boulbeurt, The Worst Over Ever?, is al meer as 1,6 miljoen keer gekyk.
Toe sy tweede boulbeurt ál belagliker word – ses van sy eerste agt balle was wydlopers – het die toeskouers “ál luidrugtiger” geword, onthou Boswell. Om die beproewing te probeer kortknip, het hy haastig geraak en hom ál minder tyd voor elke bal
You’re reading a preview, subscribe to read more.
Start your free 30 days